Madaxweynaha Khaatumo ayaa ka dhoofay garoonka Laascaanood
Axad, Maarso, 19, 2017 (HOL) - Madaxweynaha maamulka Khaatumo Cali Khaliif Galaydh ayaa
saaka ka duulay garoonka diyaarada magaalada Laascaanood Xarunta Gobolka Sool.
Galaydh ayaa saaka waaberigii soo
gaadhey magaalada Laascaanood isagoo ku sii jeedey wadanka Jabuuti, waxaana la
sheegay in uu uga sii gudbi doono dalka Imaratka Carabta.
Safarka Galaydh ayaa la sheegay in
uu daba socdo wadahadaladii maamulkiisu la wadey Somaliland, kaas oo
kulankiisii sadexaad uu haatan balankiisii taagan yahay.
Wararka aan ka helayno illo ku
dhowdhow maamulka Khaatumo ayaa la sheegayaa in kulan ka horeeya uu wadanka UAE
kula kulmayo gudiga loogu yeedho G11 oo ah gudigii lahaa aasaaskii maamulka
Khaatumo oo dhowaanta ismaandhaaf soo kala dhexgalay kadib markii ay soo
jeediyeen in uu hakiyo wadahadalka Somaliland in dawlada Federaalaka Soomaaliya
meel istaagayso.
Weftiga Cali Khaliif Madaxweynaha
Maamulka Khaatumo oo ahaa mid aan laga war hayn marka laga reebo xubno maamulka
gobolka ka tirsan ayaa laysla dhex marayaa in saxaafada loogu sheegi waayey in
hadalada Galaydh oo badanaa xanaf reeba.
Safarkan ayaa ku soo beegmaya xili
uu Baarlamaanka Somaliland cod u qaaday maalinimadii shalay wadahadalada lala
wado maamulka Khaatumo oo aqlabiyad ku ansixiyeen, walow ay jireen qaar golaha
ka tirsan oo ka soo jeeda gobolka Sool oo duray ansixintaasi.
Seynab Cabdi Warsame
[email protected]
Laascaanood G. Sool
