Shirkada xawaalada Amaana Express oo u gudbeysa nidaamka Bankiga
Khamiis, April, 27, 2017 (HOL) - Guddoomiyaha shirkada Xawaalada ee Amaana Express
Cabdirisaaq Xuseen Maalin ( Tawane) ayaa shaaca ka qaaday in shirkada
Xawaalada Amaana ay u gudbeeyso nidaamka Bankiga.
Gudoomiyaha ayaa warkan ka sheegay shir balaaran oo
wakiilada Shirkadu ay ku leedahay shanta qaardood ee dunida ay iskugu yimaadeen
magaalada Dubai ee dalka imaaraadka carabta 13kii ilaa 16kii bisha April ee
sanadka 2017 .
Guddoomiyihu waaxaa uu ku
booriyay wakiilada Amaana in ay sii labalaabaan dadaalkooda iyo howsha
xawaaladeed ee ay hayaan isla maarkaasna ay u diyaargaroobaan nidaamka cusub ee
shirakadu ugu gudbeeyso habka Bankiga kaas oo macaamiishu ay dhigan
karaan kuna keeydsan karaan lacagahooda.
Waxaa laga warbixiyay taraiikhda Shirkada oo
la aasaasay sanadkii 2001di taas oo lagu sheegay in shirkadu ay hana qaaday,
muddo badana ay usoo khidmeeyneeysay shacabka soomaliyeed. Shirkadda Xawaaladda
ee Amaana Express waxaa kale oo ay ka shaqeeysaa Dhulka iyo
dhismaha Gurayaha (Real State), sidaasi darteed ayaa shirkaas lagu go’aansaday
in shirkadu ay si dhaqso leh ugu gudubto nidaamka Bankiga.
Waxaa kale oo halkaas Hadal ka jeediyay gudoomiye
ku xiggeenka shirkada Amaana Express Cabdirisaaq Xanafi iyo xiriiriyaha guud ee
shirkada Amaana Cilmi Xuuriye kuwaas oo dhamantood ku bogaadiyay
wakiilada iyo howlwadeenka shirkada sida wanaagsan ee hufneeyd ee ay
howsha xawaalada u soo qabteen. Waxaana ay ugu baaqen in ay sii laba laabaan
dadaalkooda.
Enigineerka guud ee shirkada ee dhinaca IT Engineer
Cabdalla ayaa warbixin ka jeediyay shirka Amaana oo uga hadalayey
habka IT ee shirkadu ku shaqeeyso.
Dhamaan masuuliyiinta iyo
wakiiladii shirkaas lagu marti qaaday ayaa iyaguna ka mahad celiyay sidii
loogusoo dhaweeyay shirkaas oo ay sheegeen in ay wax badan ka faaideeysteen
ayna isku barteen howlwadeenada shirkada intii aan horey isku aqoon waxaana ay
bogaadiyeen hannaanka uu shirku u dhacay.
