Madaxweyne Farmaajo oo la kulmay dhigiisa dalka Turkiga Recep Tayyib Erdogan
Arbaco, April, 26, 2017 (HOL) – Madaxweynaha
Dowladda Soomaaliya Maxamed Cabdullaahi Farmaajo oo booqasho rasmi ah ku jooga
dalka Turkiga ayaa gallinkii danbe ee maanta kula kulmay Qasriga madaxtooyada
dalkaas ee magaalada Ankara, dhigiisa Recep Tayyib Erdogan
Madaxweyne Erdogan ayaa si diiran ugu soo dhaweeyay aqalka madaxtooyada dalkaas dhiggiisa Soomaaliya,
waxaana si wada jir ah ay salaan uga qaateen ciidamada, iyadoona loo garaacay astaanta Qaranka.
Kulanka labada Madaxweyne oo ahaa mid khaas ahaa
ayay uga wada hadleen xoojinta xiriirka labada dal, kobcinta dhaqaalaha iyo dib
u dhiska Soomaaliya.
Labada Madaxweyne ayaa lagu wadaa inay ka qeyb
galaan wada hadalo labo geesood ah, kaasoo Soomaaliya iyo Turkiga ay heshiisyo
wax wada qabsi ah ku saxiixan doonaan Ankara.
Socdaalka madaxweyne Farmaajo ee Turkiga ayaa noqonaya kii u horeyay ee uu ku tago dalkaas, tan iyo markii xilka madaxtinimada uu ku
guuleystay horaantii bishii February ee sanadkan.
C/raxmaan Diini, Hiiraan Online
[email protected]
