Wasaaradda Biyaha Somaliland iyo Maayarka Berbera oo maamulka wakaaladda Biyaha ee Berbera
Talaado, May, 09, 2017 (HOL) - Wasiirka biyaha iyo khayraadka Somaliland Xuseen Cabdi Boos
ayaa bedelay maareeyihii wakaaladda Biyaha ee Berbera taas oo ka cadhaysiiyey
maayarka Berbera oo ku dooday in wakaalada Biyaha Berbera hoos timaaddo
maamulka dawladda hoose ee Berbera.
Khilaafkan
soo kala dhexgalay golaha deegaanka ee Berbera oo uu hor kacayo maayarka
magaaladda Berbera Cabdishakuur Cidin iyo wasiirka Biyaha oo uu taageerayo
Badhasaabka gobolka Saaxil, ayey wararku sheegayaan inay isku haystaan cidda
awoodda u leh bedeladda maareeyaha biyaha iyo cidda maamusha, waxaanay maayarka
iyo golaha deegaanka degmadda Berbera ku doodayan in masuuliyadda wakaaladda
Biyuhu hoos timaado,isla markaana aanay sharci ahayn in la bedelo wakhti
xaadirkan oo lagu jiro kulayl iyo xagaagii oo bilaabmay.
Hase ahatee,
wasaaradda Biyaha Xuseen Boos ayaa sheegay in wakaalada biyaha berbera hoos
timaadddo wasaaraddiisa, sidaas darteed ay awood u leeyihiin inay bedeli karaan
mid cusubna soo magacaabi karaan.
Afar
bilood ka hor ayaa xildhibaanadda golaha deegaanka ee Berberi go’aansadeen inay
la wareegaan wakaaladda Biyaha oo la hoos geeyo maamulka dawladda hoose ee
Berbera, taas oo ka soobaxay go’aan gole deegaan.
Wasiirkii
hore ee Biyaha Baashe Cali Jaamac ayaa hore khilaaf sidan oo kale ah u dhex
maray Maayarka Berbera, taas oo cirka isku shareertay.
Wasiirka
wasaarada Biyaha iyo Badhasaabka gobolka Saaxil ayaa damacsanaa in si degdeeg
ah xilka wakaaladda u kala wareejiyaan maareeyihii hore iyo maareeyaha
cusub.
Sida
wararka ku helayno khilaafkan ayaa salka ku haya cidda awoodda u leh maamulka
wakaaladda Biyaha ee Berbera, sidaas darteed haddii aan degdeg loo xalin
arrintan wuxu keenaya in wakhtigan xagaaga la gallay oo Berberina ka mid tahay
meelaha ugu kulul oo biyo badan loo baayahan uu khilaafkaasi dhibaato u keeni
karo dadweynaha ku nool magaaladda.
Barkhad-ladiif
M. Cumar, Hiiraan Online
[email protected]
Hargeysa,
Somaliland.
