Shirweyne looga arinsanayo hormarinta Isgaarsiinta iyo Tiknooljiyada oo ka furmay Muqdisho Sawirro
Sabti, May, 06, 2017 (HOL) – Shirweyne Qaran oo looga arinsanayo hormarinta Isgaarsinta iyo Tiknoolajiyada oo
qeyb ka ah qorshaha xukuumada ee tayeeynta Isgaarsiinta ayaa maanta ka furmay
magaalada Muqdisho.
Shirkan oo socon doona muddo saddex maalin ah waxaa soo qabanqaabisay wasaarradda Boostada iyo Isgaarsiinta
dowladda federaalka Soomaaliya, iyadoo ay ka qeybgaleen xubno ka tirsan gollaha
xukuumada, xildhibaanno, wasiirrada isgaarsiinta dowlad gobolleedyada, xubno ka
socda shirkadaha isgaarsiinta iyo macalimiinta Jaacaddaha dalka ka dhiga
kulyada isgaarsiinta iyo Tiknoolajiyada.
Agaasimaha guud ee wasaarada Boostadda iyo Isgaasriinta ee
xukumadda federaalka Soomaaliya Axmed Xaaji Cabdi ayaa sheegay in shirkan
uu yahay shirkii ugu horeeyey ee ay wasaaradda qabato.
Wasiirka wasaarrada Boostada iyo Isgaarsiinta Cabdi Canshuur Xassan ayaa
sheegay in Horumarka Tiknoolajiyadda ay dalka ahmiyadda wayn u leedahay,
islamarkaana ka qayb qaadanayso
kobcinta dhaqalaha.
Ra’iisul wasaaraha xukumadda Federaalka Soomaaliya Mudane Xasan Cali Kheyre
oo la hadlayay ganacsatada Soomaaliyeed ayaa tilmaamay in
ganacsatadda Soomaaliyed looga baahan yahay in ay ka qayb qaataan
horumarinta dalka iyo dhismaha dowladdanimada taas oo sare u
qaadaysa tayeynta ganacsigooda.
Ra’iisal wasaraha ayaa mar uu
la halayay wakiiladda shirka u matalayadda dowlada goboleedyadda
dalka ugu baaqay in ka shaqayaan midnimadda iyo
sidii ay isaga kaashan lahaayeen soo celinta sumcadda
wadankeena.
Ra’iisal wasaaraha ayaa ugu danbeyntii kula dardaarmay ka qayb
galayaasha shirwaynha looga hadlayo horumarinta Isgaarsiinta
iyo Tiknoolojiyadda in shirkan loo baahanyahay in uu ka duwanaado
shirarkii hore islamarkaana ay soo baxaan talooyin
wanaagsan.
C/raxmaan Diini, Hiiraan Online
[email protected]