Guddoomiyihii maamul wanaaga iyo la dagaalanka musuqmaasuqa Soomaaliland oo is casilay
Jimco,May, 05, 2017 (HOL)- Guddoomiyaha maamul wanaaga iyo la
dagaalanka Musuqmaasuqa Axmed Muxumed Madar ayaa iska casilay xilkii
hay’adaasi.
“ Xilkaas waan iska casilay,
sababtunna waxaa ay tahay muddo hadda laga joogo toddoba sannadood ayaan hayay xilkaas
ilaa wakhtigaas iyo hadda waxaannu ku jirnay hawl-gal, markaa waxaannu
darreensanayn Hay’addan magacowgeeddii kadib, inaan diyaar loo ahayn
hawl-galkeeddii haddii ay Xukuumadda tahay iyo haddii ay Baarlamaanka tahay-ba.
Hay’addii magacowday iyo Waaxdii Sharci-dejinta ee Xeerarkeedda ansixin lahayd,
waxaa nooga muuqatay rabitaan la’aan siyaasaddeed oo aanu is lahayn wax-baa laga
qaban doonnaa oo is bedel ayaa la samayn doonnaa ayaa ah ta nagu keliftay
inaanu xilligan gebo-gabadda ah is-casilaadan bayaamiyo.” Ayuu yiri Madar.
Waxannu intaas ku daray “In badan
ayaan ka gows addaygaayay, laakiin waxay soo gaadhay heer aan Xilkaas sii hayn
kari waayo. Kulankii Madaxweynaha anigu (Guddoomiye), ahaan kamaan qayb-gelin,
balse Afar xubnood oo kale ayaa ka qayb-galay, waxaan uga qayb-geli waayay-na
waxay ahayd wakhtigii ku habboonaa ayaan la ii soo sheegin, waxaanna la ii soo
sheegay iyaddoo uu kulankii ka hadhsan tahay Nusasaac, anigunna taas waan
qaadan waayay.”
Arrintan ayaa ku soobeegmaysa
afar maalmood ka hor markii uu
madaxweyne Siilaanyo kulan la yeeshay hay’adaha maamul wanaaga iyo hanti
dhawraha guud oo uu madaxweynuhu faray inay Shaqadooda Qabsadaan isla Markaasina Dabagalo Iyo Baadhitaano lagu
Baadi Goobayo in aan musuqmaasuqu la samayn wakhtiga kala guurka ah.
Barkhad-ladiif M. Cumar,
Hiiraan Online
[email protected]
Hargeysa, Somaliland.
