Taliyaha ciidamada militariga Soomaaliland oo ka hadlay askari ku dhex geeriyooday xabsiga
Isniin, May, 15, 2017 (HOL)- Taliska
ciidamada militariga Soomaaliland ayaa ka hadlay askari, maydkiisa lagu arkay
xabsiga xeradda ciidamada ee Birjeex ee magaaladda Hargeysa kadib markii uu
xabsiga isku dhex daldallay.
Taliska ciidamada militariga oo qoraal
ku saabsan askariga ku dhex geeriyooday xabsiga ciidanka dhexdiisa ayaa la
sheegay in la baadhayo sababtu u geeriyooday.
"Alle haw Naxariistee marxuum
ka tirsanaa ciidamada militariga Soomaaliland ayaa meydkiisa laga helay xabsi uu
ku jiray oo ku yaal xerada Birjeex ee magaladda Hargeysa, Marxuumka oo muddo
laba todobaad cibaaq amardiido u xidhnaa,ayaa meydkiisa isagoo is-dal-dalay
lagu arkay xabsiguu ku jiray, waxaana socota baadhitaanka sababaha keenay
dhimashadiisa.”ayaa lagu yidhi qoraalkaasi, inkastoo marxuumka magaciisa aan la
shaacin balse la tilmaamay inuu isku daldalay xabsiga dhexdiisa.
“Taliska ciidamada Qaranka waxaa uu
tacsi u dirayaa qoyskiisa, caruurtiisa iyo dhamaan Ciidanka Qaranka Somaliland
geerida ku timi marxuumka ka baxay, isla markaana caddaynayaa inay baadhitaanka
ka dib faahfaahin buuxda ka bixin doonaan geerida askarigaa, mana jiraan
wararka sheegaya inuu sababo sicir-barar dartood isku deldelay. Waxaa looga
digayaa dhamaan warbaahinta, inay ka fogaadaan inay faah-faahino mala-awaal ah
ka bixiyaan sababaha keenay geeridiisa, inta faahfaahin buuxda ka bixinayaan
Ciidanka Qaranka”ayaa la raaciyey qoraalkaasi.
Barkhad-ladiif
M. Cumar, Hiiraan Online
[email protected]
Hargeysa,
Somaliland.