Xukuumadda Soomaaliya oo maanta fasaxday shaqaallaha Dowaladda
Isniin, May, 15, 2017 (HOL)- Xukuumadda Soomaaliya ayaa maanta fasaxday dhamaan shaqaallaha dowladda munaasabada 15- May awgeed, sida uu sheegay wasiirka warfaafinta.
"Annigoo ku hadlaya afka xukuumadda Soomaaliya, waxaa maanta la fasaxay dhamaan Shaqaallaha Dowladda Munaasabadda xuska 15-ka May awgeed”, sidaasi waxaa yiri Wasiirka Warfaafinta xukuumadda Soomaaliya Eng, Cabdiraxmaan Cumar Cismaan “Yariisow”.
Dowladda Soomaaliya ayaa sanad walba xusta, dhallinyaradii aas-aaska u ahaa xuriyadda dalka Soomaaliya.
Sanad kasta bisha May 15-keeda waxaa dalka Soomaaliya laga xusaa aas-aaskii xisbigii gobanimo-doonka ahaa ee SYL, kaasoo ahaa kii ugu horeeyay ee dalka laga furo isaga oo ay ku mideysanyihiin dhallinyaro.
Hadaba halkan ka aqriso magacyada, meesha ay ku dhasheen, iyo Sanadka ay dhasheen, 13-kii dhallinyaro ee dhidibada u aasay SYL.
1. Cabdulqaadir Sakhaawadiin, Tayeeglow Bakool 1919 24 Jir.
2. Maxamed Xirsi Nuur(Siidii), Mareeg G/gadud 1915 28 Jir.
3. Yaasiin Xaaji Cusmaan Sharmarke Hobyo Mudug 1917 26 Jir.
4. Xaaji Maxamed Xuseen Maxaad Muqdisho Banadir 1917 26 Jir.
5. Cusmaan Geeddi Raage Muqdisho Banadir 1925 18 Jir.
6. Dheere Xaaji Dheere Muqdisho Banadir 1926 17 Jir.
7. Daahir Xaaji Cusmaan (Dhegaweyne) Hobyo Mudug 1925 18 Jir.
8. Cali Xasan Maslax mahubno meesha uu ku dhashay 1919 24 Jir.
9. Maxamed Cali Nuur Mugadisho Banadir 1927 16 Jir.
10. Maxamed Faarax Hilowle Mareeg G/gaduud 1925 18 Jir.
11. X. Maxamed Cabdulaahi Xayeesi Muqdaisho Banadir 1918 25 Jir.
12. Huudow Macalin Cabdulaahi Saalax Mareereey Sh/hoose 1926 17 Jir.
13. Maxamed Cusmaan Baarbe Baardheere Gedo 1910 33 Jir.
Hiiraan Online,
Hassan Istiila
[email protected]
Mogadishu,Somalia
