Ugaas Xassan Ugaas Khaliif oo soo gaaray magaalada Muqdisho
Sabti, Maarso, 04, 2017 (HOL) – Ugaas Xassan Ugaas Khaliif Ugaas Rooble oo ka
mid ah duubabka dhaqanka ugu waaweyn Soomaaliya ayaa goor dhaw oo maanta ka soo
degay garoonka diyaaradaha Aadan Cade ee magaalada Muqdisho.
Ugaaska ayaa waxaa garoonka
diyaaradaha Muqdisho ku soo dhaweeyay mas’uuliyiin kala duwan oo iyo xubno ka
tirsan qeybaha bulshada.
Lama oga ujeedada rasmiga ah ee
socdalka Ugaaska, hasse ahaatee warar kala duwan oo soo baxaya ayaa sheegaya in
imaashaha Ugaaska la xiriirto la kulanka madaxweynaha iyo ra’iisul wasaaraha si uu qeyb uga noqdo wada tashiyada lala yeelanayo odayaasha
dhaqanka.
Waxaa lagu wadaa in Ugaaska kulamo
la qaato xildhibaanada iyo siyaasiyiinta ka soo jeeda Gobolka Hiiraan, sidoo kale
waxaa la filayaa inuu la kulmo duubabka dhaqanka ee Muqdisho ku sugan.
Ugu danbeyntii, madaxda dowladda
ayaa maalmihii u dambeeyay Muqdisho ka waday wada tashiyada ku aadan dhismaha golaha
Wasiirada cusub oo dhowaan lagu wado inuu ku dhawaaqo ra’iisul wasaare Xasan
Cali Kheyre.
C/raxmaan Diini, Hiiraan
Online
[email protected]