Dowladda Sweden oo dhaqaale ku deeqday abaarta Soomaaliya
Jimco, Maarso, 03, 2017 (HOL) - Dowladaha caalamka ayaa waxaa ay wadaan
dadaalo wax looga qabanayo abaarta ka jirta Soomaaliya, taasi oo hada gaartay
heerkii ugu sareysay.
Danjiraha dowladda Sweden u fadhiya Soomaaliya Mikael Lindval ayaa
sheegay dowladda Sweden in ay lacago ugu deeqday abaaraha Soomaaliya, si wax
loogu qabto dadka iyo duunyada ee ku dhibaateysan Soomaaliya.
Waxaa uu sheegay Soomaaliya taageero in ay siinayeen sano badan,
laakiin lixdii sano ee ugu dambeysay waxaa uu sheegay in ay kordhiyeen taageerada
dhinaaca hormarada ah, isagoo sheegay Soomaaliya sanad walba in ay siiyaan 40 milyan
oo Dollar
“Xilli xaalada ay sii xumaaneysay
bilooyinkii ugu dambeeyay ee sanadkii aanu soo dhaafnay, waxaana sare u qaadnay
kharashaadka bani’aadannimo ee bilihii December iyo November, sanadkan waxa aan
bixinay 10 milyan oo dollar, kadibna waxaan ku darnay 12 Milyan oo dollar, ayuu
yiri safiirka.
Dhinaca kale Danjiraha dowladda Sweden u fadhiya Soomaaliya oo soo hadal
qaaday Howlgalka Midowga Afrika ee AMISOM ayaa sheegay taageerada ay siiyaan
Midowga Afrika in ay u sii marayaan Midowga Yurub, isagoo sheegay dhamaan
mushaaraadka AMISOM in ay bixiyaan Midowga Yurub, taasina ay keentay in deeqda
ay u bixiyaan si dadban.
C/raxmaan Diini, Hiiraan Online
[email protected]
