Jimco, Maarso, 03, 2017(HOL) – Taliska ciidamada ammaanka ah ee maamulka Puntland ayaa waxa ay war ka soo saareen gaari walxaha qarxa siday oo dhawaan lagu qabtay duleedka magaalada Gaalkacyo.
Gaarigan siday walxaha qarxa ayaa nuuciisa waxa uu ahaa nuuca Soomaalida ay u taqaano Candha-meedlaha, isagoo isaga kala gooshi jiray magaalooyinka Boosaaso iyo Beledweyne, sida ay sheegeen saraakiisha ammaanka.
Taliska ciidamada ammaanka ee Puntland ayaa waxaa ay sheegeen baaris kadib in la ogaaday in gaarigaasi waday walxaha qarxa la doonayay in lagu qarxiyo shacabka Puntland.
Ugu danbeyntii, waa markii ugu horeysay dulleedka magaalada Gaalkacyo lagu qabto gaari kuwa xamuulka qaado ah oo lagu soo raray walxaha qarxa.
C/raxmaan Diini, Hiiraan Online [email protected]