Madaxweyne Farmaajo’’ ma jiri doono khilaaf u dhaxeynaya madaxweynaha iyo ra’iisal wasaaraha
Jimco, Maarso, 03, 2017(HOL) – Iyadoo marka la eego guud
ahaanba dowladihii isaga danbeeyay dalka laga soo bilaabo bur burkii dowladii
dhexe ee militariga ku caan baxeen khilaaf soo kala dhaxgala madaxweynaha
talada haya iyo ra’iisal wasaarihiisa ayuu sheegay madaxweynaha Soomaaliya Max’ed
Cabdulaahi Farmaajo in arintaa oo kale dhici doonin.
Isaga oo khudbad ka hor jeedinayay xildhibaannada
baarlamaanka Soomaaliya ayuu sheegay in uu balanqaadayo dhiniciisa in isaga iyo
ra’iisal wasaarihiisa ku dhameysan doonaan afarta sano ee soo socda wada
shaqeyn iyo in talada la wadaago.
Madaxweynaha ayaa sheegay in dowladdan rajo badan ka qabaan
shacabka Soomaaliyeed, sidaa daraadeed dhinacyda oo dhan looga baahan yahay in
lala yimaado howlkarnimo si looga gudbo caqabadaha ka hor iman kara socod
siinta haykalka dowladnimada.
Laga soo bilaabo dowladii lagu soo dhisay Carte ee uu
madaxweynaha ka ahaa Cabdiqaasim Salaad Xassan ilaa madaxweynihii dhawaan xilka
wareejiyay Xassan Sheekh Max’uud waxaa lagu xasuustaa khilaaf iyo is qabqabsi
hareeyay madaxweynaha iyo ra’iisal wasaarihiisa taasoo keentay in mudo afar sano
ah gudahood madaxweyne walba yeesho ilaa saddex ra’iisal wasaare.
Hasse ahaatee dad badan ayaa is weydiinaya sida dowladda hada
jirta uga badbaadi karto arintan oo dad badan la xiriirinayaan awoodaha labada
mas’uul oo aan u kala qeexneyn sidii loo baahnaa.
C/raxmaan Diini, Hiiraan Online
[email protected]