Faah faahin ku saabsan weerar xalay ka dhacay magaalada Muqdisho
Talaado, Maarso, 21, 2017 (HOL) - Kooxo hubeysan ayaa xalay weerar culus ku
qaaday xarunta wasaarada gaashaandhiga ee ku taala jidka warshadaha degmada
Deynille ee gobolka Banaadir.
Goob joogayaal ku sugan agagaarka halka uu weerarka ka
dhacay ayaa sheegay in ay maqlayeen rasaas culus oo ay is weydaarsadeen
kooxihii dableyda ee weerarka soo qaaday iyo ciidamadii ku sugnaa xarunta oo
siweyn isaga caabiyay.
Guddoomiyaha degmada Deyniile Axmed Nuur Cabdi Siyaad oo
warbaahinta gudaha la hadlay ayaa sheegay in dabley ka kooban ilaa lix ruux
weerar ku qaadeen xarunta, laakiin iska caabin kala kulmeen ciidamadii ku
sugnaa halkaa.
‘’Rag weerar nacsnimo ah soo qaaday ayaa waxaa ay sameeyeen
wasaarada gaashaadhiga dhabarkeeda ayeey xabado ka soo rideen, laakiin waxaa u
jawaabay ciidamadii goobta ku sugnaa, waana ay baxsadeen markii danbe’’ ayuu
yiri guddoomiyaha.
Guddoomiyaha ayaa sheegay in weerarkaasi wax khasaaro ah ka
dhalan, madaama kooxaha weerarka soo
qaaday aysan u suurtagalin ayuu yiri ujeedadii ay u socdeen.
Weerarka ayaa imanaya xili dhawaan sidan oo kale kooxo hubeysan
weerar ku qaadeen barkootarool oo ciidamada dowladda ay ku lahaayeen xaafadda
Suuqa Xoolaha ee degmada Huriwaa, halkaa oo lagu dilay sarkaal sare oo ka
tirsanaa Al-shabaab.
C/raxmaan Diini, Hiiraan Online
[email protected]