Dowlada Kenya oo xirtay sadex dhalinyaro ah oo ku eedeysan kufsi
Khamiis, Marso, 02, 2017 (HOL) – Booliiska dalka Kenya ayaa lagu waramayaa
in ay xabsiga u taxaabeen saddex dhalinyaro Soomaali ah oo ku eedeysan in ay
kufsi ka geysteen magaalo xeebeedka Mombasa ee dalka Kenya.
Dhalinyarada ay xireen booliska
Kenya ayaa ku jira xabsi ku yaalla
bartamaha Magaalada Mombasa.
Saraakiisha dowaldda Kenya ayaa
dhalinyaradan ku eedeeyay in ay kufsadeen Gabar 14 sano jir ah, taasi oo markii
ay kufsadeen kadib ka soo tuuray dabaq ka kooban labo biyaano.
Booliiska ayaa dhalinyaradan mudo
dheer daba joogay tan iyo markii ay falkan ku kaceen,, hasse ahaatee ugu
danbeyntii laamaha amniga ayaa gacanta ku dhigay.
Gabadha falka kufsiga ah iyo
tacadiga kale lagu kala kacay oo aysan Boolisku sheegin halka ay ka soo jeedo
ayaa sidoo kale aabaheeda waxaa dhaawac u geystay dhalinyaradan Soomaalida ah,
xilli uu ku hungoobay in Gabadhisa uu raggan ka badbaadiyo.
Ugu dambeyntii booliska Kenya ayaa
waxa ay sheegeen raggan Soomaalida ah in Maxkamad la soo taagi doono 14-ka bishan,
si xukun loogu rido, sidoo kalena ciqaabtiisa loo marsiiyo dambigii ay galeen
C/raxmaan Diini, Hiiraan Online
[email protected]
