Haweeney ganacsato aheyd oo xalay lagu dilay magaalada Baydhabo
Khamiis, Marso, 02, 2017 (HOL) - Wararka naga soo gaaraya magaalada
Baydhabo ee xarunta gobolka Baay ayaa sheegaya koox dabley ah xalay ku dileen
magaalada haweeney sida la sheegay ka mid aheyd ganacsatada degmada.
Sida ay sheegayana wararka kooxo
bastoolado ku hubeysan ayaa haweeneydan ku dilay Xaafada Mursal, iyadoo gacanta
lagu dhigay mid ka mid ah kooxihii dilka geystay.
Col Mahad Cabdiraxmaan Aadan oo ah
taliyaha qeybta booliiska gobolka Baay ayaa sheegay in ciidamada ammaanka ay
gacanta ku hayana qofkii dilka ka dmabeeyay, cadaaladana la soo taago.
Dilkan xalay ka dhacay magaalada
Baydhabo ayay dadku hadal hayaan, iyadoo muddo sanad iyo bilooyin ah aysan
magaalada ka dhicin wax dilal ah.
Ugu danbeyntii, magaalada Baydhabo ayaa waayadii ugu danbeeyay u muuqata mid ka nabaddoon dilalka qorsheysan iyo qaraxyada, waloow marar badan oo hore ay ka dhaceen falal amniga ka dhan ah oo dad badani ku dhinteen.
C/raxmaan Diini, Hiiraan Online
[email protected]
