Britain oo iska fogeysay eedeyn uga timid aqalka cad ee Mareykanka
Jicmo, Maarso, 17, 2017 (HOL) – Hay'adda
sirdoonka Britain ee GCHQ ayaa ku tilmaantay ''wax lagu qoslo'' eedaymaha
sheegaya in madaxweyne Obama uu ka dalbaday inay basaasto Donald Trump intii
lagu guda jiray ololihii doorashada madaxtinnimada Mareykanka.
Eedaymahani waxaa Khamiistii sheegay afhayeenka madaxweyne Trump, Sean
Spicer oo soo xiganayo warar lagu baahiyay talefishin laga leehay Mareykanka.
Madaxweyne Trump ayaa mar sii horreysay ku dooday in Obama uu amray in la
dhageysato tilifoonadiisa.
Guddiga sirdoonka u qabailsan aqalka Senetka Mareykanka ayaa sheegay inaysan
jirin wax raadad ah oo muujinaya in dawladda Maraykanku ay basaasaysay dhismaha
Trump Tower ka hor amaba ka dib doorashadii Maraykanka.
Seneter Richard Burr oo ah gudoomiyaha guddiga senetka u qaabilsan sirdoonka
oo ka tirsan xisbiga Jamhuuriga ayaa war qoraal ah oo uu soo saaray meesha kaga
saaray sheegashada ah in si qarsoodi ah loola socday taleefannada Donald Trump.
Balse madaxweyne Trump ayaa wali ku adkaysanayo sheegashadiisa inkastoo
uusan la imaanin caddeymoSirdoonka Britain: Maanan basaasin Trump
C/raxmaan Diini, Hiiraan Online
[email protected]
