Culima’udiinka gobolka Hiiraan oo ku baaqay in la gargaaro dadka abaarta saameysay
Jicmo, Maarso, 17, 2017 (HOL) - Kaddib Salaadii Jimcaha ee maanta ayaa Masjidka
Bardaha ee magaalada Beledweyne oo ka mid ah masaajida ugu faca-weyn gobolka
waxaa ay culima’udiinka ku baaqeen in si
deg deg ah loogu gurmado dadka abaartu saameysay ee ku dhaqan gobolka.
Gudi ay iska soo dhaxsaareen culimada oo ka kooban 7 xubnood
ayaa sheegay in xaalad banni’aadanimo tii ugu dareneyd ay ka taaga tahay qeybo
badan oo ka mid ah gobolka gaar ahaa deegaannada ku hareereysay magaalada
Beledweyne, iyaga oo bulshada inteeda kale ugu baaqay in ay gargaar la soo
gaaraan dadkan dhibaateysan.
Ustaad Cismaan Max’ed Cilmi oo afhayeen u ah gudiga culimada
ee u gurmashada dadka abaarta saamaayeen ayaa HOL u sheegay in kadib qeylodhaan culimada uga timid bulshada isla garteen in ay u kacaan sidii dadkan loo
gargaari lahaa.
‘’ Gudigan waxaa uu ku aas-aasmay baaq ka yimid bulshada ku
dhaqan gobolka oo culimada ka dalbaday in ay doorkooda qaataan, salaadii Jimcaha maanta ayuu gudigu
wacyi-galinta bilaabay, bulshada inta
wax heysata waxaan ugu baaqnay in ay kaalmeeyaan dadka walaalahood ah ee baaba’aya
ayuu yiri’’ Ustaan Cismaan Caato.
Guddigan waxaa gudoomiye ka ah Sheekh C/llaahi Cali Barqadle
oo ka mid ah culimada ugu waaweyn gobolka, waxaan xubno ka ah qaar ka mid ah
culma’udiinka sida weyn loo garanayo qeybaha uu gobolka ka kooban yahay.
Gobolka Hiiraan ayaa ka mid ah deegaaannada ay abaartu
saameysay, waxaana xeryaha dadka barakacayaasha ah waayadii ugu danbeeyayba soo
gaarayay dadka ku xoolo beelay abaarta, kuwaa oo ka soo hayaamay deegaanno
dhaca gobollada dhexe Soomaaliya.
Hadaba haddii aad dooneyso in aa la xiriirto gudiga wac
Tellefoonnada kala ah : +252617779966
ama + 252615510396.
C/raxmaan Diini, Hiiraan Online
[email protected]