Soomaaliya oo markii ugu horeysay caruurta laga Tallaalayo cudurka daacuunka
Jimco, Maarso, 17, 2017 (HOL) – Dowladda
Soomaaliya oo kaashaneysa hay’adda caafimaadka QM WHO ayaa bilaawday olale ballaaran oo markii
ugu horeysay caruurta looga lagu siinayo tallaalka ka hortaga cudurka daacuunka.
Ollahan ayaa lagu beegsanayaa 450
000 oo ruux oo ku dhaqan todobo aag oo ka mid ah goobaha ugu sii
khatarsan ee cudurkan uu saameynta ku yeeshay.
Ollahan Tallaalka cudurka daacuunka oo noqonaya markii ugu horeysay oo laga
hergalayo gudaha dalka Soomaaliya ayaa imanaya xili dalka uu wajahayo xaalad
adag oo ka dhalatay abaarta, taasoo keentay in dowladda Soomaaliya ay ku
dhawaaqdo masiibo Qaran.
‘’Tani waxaa ay noqoneysaa ollalihii ugu Tallaalka daacuunka oo afka laga
qaadanyo Africa oo idil ayuu yiri’’ Ghulam Popal, wakiilka WHO ee Soomaaliya.
QM ayaa sheegtay in ka badan 11,000 oo Qof in shuban biyood iyo Daacuun ay
la ildaran yihiin, loona baahan yahay in dhexda loo xirto sidii dadkaasi loo badbaadin
lahaa.
Dalka Soomaaliya ayaa muddo dheer wajahaya xaalado banni’aadanimo, kuwaa oo
ka dhashay colaad, amaan darrada, barakaca dadka iyo la’aanta nidaam caafimaad.
Ugu danbeyntii, xoghayaha Guud ee Qarmada Midoobay oo 7-dii March soo
booqday Soomaaliya ayaa sheegay 6.2 Milyan oo Qof in ay saameysay Abaarta, ayna
u baahan yihiin gar gaar deg deg ah.
C/raxmaan Diini, Hiiraan Online
[email protected]
