Faah faahin : labo ruux oo xalay lagu dilay deegaan hoostaga degmada Maxaas ee gobolka Hiiraan
Khamiis, Maarso, 16,
2017 (HOL) – Warar dheeraad ah ayaa ka soo baxaya labo ruux oo kooxo
hubeysan xalay ku dileen deegaan lagu
magacaabo Lafo-Maroodi oo hoostaga degmada Maxaas ee gobolka Hiiraan.
Taliyaha ciidamada booliiska degmada Maxaas ee maamulka
gobolka Hiiraan Bishaar Faarax Cismaan oo HOL la hadlay ayaa sheegay in raggan
la dilay oo ka soo jeeda gobolka
Galguduud ka mid ahaayeen dadka ka ganacsade xoolaha, isaga oo intaa ku daray
rag hubeysan wadadda u galleen xalay xili ay ku
sii jeedeen dhinaca degmada Guri-ceel.
‘’ Dilka waa jiraa waxaa uu ka dhacay deegaan lagu magacaabo
Lafo-Maroodi oo ka tirsan degmada Maxaas, ragga la dilay waxaa ay ka mid ahaayeen
dadka xoolaha ka ganacsade, xoolo ay ka
gateen deegaanka Teedaan, kadib iyaga oo ku sii jeeda dhinaca degmada
Guri-ceel ayaa la dilay’’ ayuu yiri
Bishaar Faarax Cismaan.
Lama oga ilaa iyo hada cida ka danbeysay dilka labada ruux,
hasse ahaatee horay waxaa qeybo ka mid ah labada gobol Hiiraan iyo Galguduud
uga dhacay dilal salka ku haya aano qabiil.
Ma jiro ilaa iyo hadda wax war ah oo ka soo baxay maamulka
gobolka Hiiraan oo la xiriira dilka labada ruux.
C/raxmaan Diini, Hiiraan Online
[email protected]
