Xukumadda Somaliland oo musaafurisay laba sarkaal oo shaqaynayey Hay’adda DRC ee Danmark
Arbaco,
Marso, 01, 2017 (HOL) - Xukuumadda
Somaliland ayaa sheegtay inay mastaafurisay nin iyo haweenay shaqaale ka kala
ahaa hay'adaha miino-baadhista DDG iyo ta Qaxoontiga DRC oo labada laga
leeyahay Denmark .
Labadan
qof ayaa lagu eedeeyey inay arrimaha diinta wax ka sheegeen,isla markaana midna
Dirawalkiisa oo salaad tukanaya hadidaad u geysatay, halka kalana Eedaan
baxaya uu dhibsaday oo hadal aan wanaagsanayn ka soo yeedhay isagoo
karahsanaya Eeedaanka baxaya.
Labadan
Hay’adood ee DDC iyo DRC oo iyagu imika midoobay oo xafiis qudha ku wada
leh magaaladda Hargeysa ayaa labadan shaqaale ee wadanka laga
mustaafuriyey shaqadiina laga joojiyey ahaayeen shaqaale Ajanabi ah, waxaana
magacyadooda la kala odhan jiray DAVID iyo Nkloy.
“waxa
shaqaalaheena gudhu ee hay’adaasi ka shaqeeyaa ka cawdeen laba sarkaal oo
shaqaale caalami ah oo ka socday labadan hay’adood oo imika hal xafiis ku
wada shaqeeya oo isku xafiis ah ee DRC iyo DDG, waxanay labadan sarkaal ku
gafeen diinteena suuban, mid dirawalkeedii oo slaada ku jira ayey hadiday
iyadoo wakhtigaasi Madaarka Hargeysa ka soo degaysa, ka kalena eedaan
baxaya ayaa laga sheegay inuu hadal waan wanaagssanayn laga soo wariyey”ayuu
yidhi wasiirka Qorsheynta Somaliland Maxamed Ibraahim Qabo oo arrintaasi ka
hadlayey.
Wasiirka
oo ka hadlayey go’aankaasi siday u qaateen, waxa uu yidhi “Waxaanu go;aan ku
gaadhnay in la mustafuriyo oo wadanka laga saaro, waxaana u mahad naqaya
hay’adda DRC oo go;aankaasi nala qaadatay shaqadiina ka joojisay, waana nin iyo
haweenay, cid kasta oo ka hor timaada sharciga iyo diintayada suuban wax ka
sheegta u ogolaan mayno inay wadankayaga joogaan, waana inay dhaqankayaga,
dastuurkayaga iyo diinta ixitaaramaan.”
Wasiirka
ayaa sheegay in aanay cidnaba ka ogolaan doonin cidii wax ka sheegtay sharciga,
diinta iyo dhaqanka Somaliland.
“Dawladaha
Yurub dawladda aynu iskugu dhow nahay waa dawladda Danmark oo mashaariic badan
ka wada wadanka,, waxa wadanka joogaan in ku dhow labaatan sanno waa hay
adii ugu horeeyey ee wakhtigii kala guurka ee inala soo shaqeeyey ayey ka mid
yihiin, hay’adda waan tagnay xaruntooda waxa ku dhex yaala masaajido Eedaanku
wuu baxa oo hoos looma eedaama waa la wada maqla, saacadaha salaadda shaqaalaha
muslimka wakhtigooda way siiyaan, cid loo diida ma jirto”ayuu raaciyey
hadalkiisa.
Barkhad-ladiif
M. Cumar, Hiiraan Online
[email protected]
Hargeysa,
Somaliland.