Madaxweynaha oo goor dhaw daah furay kalfadhigii koowaad ee baarlamaaanka
Arbaco, Marso, 01, 2017 (HOL) - Madaxweynaha Soomaaliya Maxamed C/llaahi
Farmaajo ayaa goor dhow si rasmi ah u furay kalfadhigii koowaad ee Baarlamaanka
federaalka ah ee Soomaaliya,
Guddoomiyaha Baarlamaanka Federaalka
Maxamed Sheekh Cusmaan Jawaari ayaa ugu horeyn ku soo dhoweeyay Madaxweynaha
in uu jeediyo khudbadiisa dastuuriga, si uu u furo kalfadhiga koowaad, waxaana
uu xusay si Madaxweynuhu u guto waajibaadkiisa dastuuriga ay tahay inuu furo
kalfadhiyada Baarlamaanka.
Madaxweyne Farmaajo ayaa uga mahad
celiyay baarlamaanka Soomaaliya, sidii ay uga dhabeeyeen dareenka umadda
Soomaaliyeed iyo is bedelkii ay hor-seedeen 8-dii bishii February, isagoo si
gaar ah ugu mahad celiyay shacabka Soomaaliyeed dibad baxyadii ay ku soo
dhoweeyeen doorashadiisa.
Sidoo kale Madaxweynaha ayaa sheegay
inuu ilaalin doono ammaanadi loo dhiibay, isla markaana ka dhabeyn doono
balamadii uu ka qaaday xilligii uu doorashada ku jiray.
Madaxweyne Farmaajo ayaa sheegay in
barnaamijkiisa Nabad iyo Nolol uu saldhig u noqon doono La dagaalanka Musuq
maasuqa iyo Nabad diidka sida uu hadalka u dhigay.
“Labada cadaw ee dowladnimada
ragaadiyay waa Al-Shabaab, iyo musuq maasuq, waa kuwa naga hor-taagan
dowladnimada”ayuu yiri madaxweyne Farmaajo.
Madaxweyne Farmaajo ayaa ka codsaday
xildhibaanada inay codka kalsoonida siiyaan ra’iisul Wasaaraha uu soo magacaabay
Xasan Cali Kheyre, si uu u soo dhiso xukuumadd cusub.
Wixii ka soo kordha waan idin soo
gudbin doonaa…
