Shirka gollaha wasiirada Soomaaliya oo maanta ka furmaya magaalada Kismaayo
Khamiis, July, 13, 2017 (HOL) – Shirkii todobaadlaha gollaha
wasiirada xukuumada Soomaaliya ayaa markii ugu horeysay lagu wadaa maanta in uu
ka furmo magaalada Kismaayo ee xarunta ku-meel-gaarka u ah maamul gobolleedka
Jubbaland.
Ra’iisal wasaaraha Soomaaliya Xassan Cali Kheyre iyo wafdi ballaaran oo uu horkacayo ayaa
maalintii shalay gaaray Kismaayo, halkaa oo siweyn loogu soo dhaweeyay, waxaaana la filayaa in maanta ra’iisal wasaaraha uu shir guddoomiyo kulanka golaha
wasiirada ku yeelanayaan Kismaayo.
“Booqashadeena Kismaayo waxaaa ay muujineysaa midnimo iyo in dawladda ay diyaar u tahay
shacabkeedu in uu la xisaabtamo, waxaan Kismaayo ku qabanaynaa shirka golaha
wasiirada oo muujinaya sida ay nooga go’an tahay in hoos loo eego deegaannada
iyo dawlad gobolleedyada”ayuu yiri ra’iisal wasaaraha.
Madaxweynaha dowlad gobolleedka Jubaland Axmed Maxamed Islaam [Axmed
Madoobe] ayaa marar kala duwan ku dhaliilay dowladda Soomaaliya howlaheeda
shaqso ku soo koobatay caasimada Muqdisho, halkii loo baahnaa ayuu yiri dowladnimadu noqoto mid fur furan oo dalka
oo dhan ku baahda.
Magaalada Kismaayo ayaa u muuqata mid la ciir-ciireysa
wafuud kala gadisan, waxaana siweyn loo adkeeyay amniga.
C/raxmaan Diini, Hiiraan Online
[email protected]
