Ciyaaraha Todobaadka Soomaalida Toronto ciyaarahii shalay Axadii dhacay.
Isniin July, 10, 2017 (HOL)-Magaalada
Toronto dalka Canada waxaa maalintii sadaxaad galay shalay oo axad aheed ciyaaraha todobaadka
Soomaalida, waxana maalin walba u soo daawasha taga taageerayaal fara badan .
Ciyaarahii shalay oo axad aheeyd la ciyaaray ayaa
dhexmaray tii kowaad kooxda Banaadir FC oo ka mida kooxaha ugu faca wayn ka dhisan
Toronto oo iyadu ah kooxda haysata koobka loo tartamaayo iyo kooxda norh London
oo iyaduna ka mida kooxaha ugu waawayn dalka Ingiriiska ka dhisan oo safar
dheer u soo galay ka qaybgalka tartankaan ,
Ciyaartaan oo aad loo sugaayey
daawashdeeda ayaa nadiijadii ciyaarta ku soo dhamaatay Banadir FC oo dhalisay 4
gool halka kooxdii North London ay keensatay 3 gool waxayna guushii raacday
Banadir FC.
Ciyaartii labaad waxay dhexmartay
kooxaha Ottawa iyo Gala Canada oo ka
wada tirsan Groub A waxay aheed ciyaar labada ay soo bandhigeen farsamo saraysa
waxayna ku soo gabagabooday in guushii ay 3 iyo 0 ku badiso kooxda
Ottawa .
Waxaa iyaguna ciyaar adag dhex martay
kooxaha Seif Team iyo kooxda Hiltop waxaana guushii 2 iyo 1 ay ku raacday Seif
team.
Ururka TODAY oo ah urur ka dhisan
magaaladan Toronto ayaa marti-galiyey cayaarahaan oo socon doona ilaa muddo
todobaad ah, waxaa ciyaarahaan isku barta iskuna dhex gala dhalinyarada
Soomaaliyeed ee kula kala nool magaalooyinka kala gadisan ee kooxuhu ka kala
yimadeen,
Siyad Said Salah
Hiiraan Online
[email protected]