Wariye dhaawac loogu geystay magaalada Laascaanood ee gobolka Sool
Talaado, Janaayo, 31,
2017 (HOL) - Weriye Barkhad Cumar oo Laascaanood
uga warama TVga Somaliland ayaa dhaawac madaxa ah waxaa soo gaadhsiiyey Askari
ka mid ah Ilaalada Maayirka Magaalada xili uu doonayey in uu u galo kulan ay
lahaayeen Golaha Degaanka.
Askariga Falkan geystey ayaa la xiray
sida HOL u xaqiijiyey gudoomiyaha gobolka Sool Cabdi Khayre oo sheegay mar aan
la xiriirnay in xuquuqda suxufigu tahay mid aan cidna looga haybadaysanayn.
Masuuliyiinta iyo Qaar ka mid ah
golaha degaanka ayaa sheegay in qalad ka dhacay hoolka Shirarka ee dawladda hoose
diyaarna ay u yihiin in la xaliyo.
"Aniga ayaa qaadaneyna mas’uuliyada
dhaawaca soo gaaray wariyaha xaal buuxana waan ka bixinaynaa" sidaa waxaa
yidhi C/casiis Xuseen Xasan Gudoomiyaha degmada Laascaanood.
Ururka Suxufiyiinta Gobolka Sool
ayaa sheegay in ay wali wadaan baaritaan sidii waxani u dheceen ayna ka hadli
doonaan marka uu soo gabagaboobo.
Qaar ka mid ah goobjoogayaal halkaas
,ku sugnaa ayaa waxay ay sheegeen in ismaandhaaf dagaalka dhaliyay uu ka dhax
dhacay kadib markii wariyaha oo qalabkiisa sita oo isku deyey in uu hoolka
shirarka galo iyo askarta halkaas ilaalinaysey oo u diidey, balse uu isku deyey
in uu dhaafo isagoo qaylinaya, waxaana ii muuqday buu yiri goobjoogahani
isqabsi iyo buuq iyo wariyaha oo dhiig madixiisa ka daadanayo.
Ugu danbeynti, Barkhad ayaa caafimaadkiisu
fiican yahay iyadoo laga war sugi doono beri waxaa talaabo ah ee ka dhasha
iyadoo uu yahay weriyihii u horeeyey ee askarigii wax gaarsiiyey loo xiro
Seynab Cabdi Warsame
[email protected]
Laascaanood Gobolka Sool
