Xukuumada Soomaaliland oo mamnuucday isticmaalka Baasaboorka Soomaaliya
Axad, Janaayo, 29, 2017 (HOL) - Wasiirka Arrimaha gudaha
Yaasiin Xaaji Maxamuud Xiiray Farotoon, ayaa sheegay in Somaliland laga
dhoofi karin ama lagu soo gali Karin Baasaboorka Soomaaliya ee gudaha
Somaliland lagu sameeyo.
Sidoo
kale, waxa shacabka Somaliland lagu amray inay dadku sitaan kaadhadhka aqoonsiga
muwaadimo, taas oo lagu kala saarayo qofka muwaadinka ah iyo ka ajanabiga ah,
isla markaana qofka ajanabiga ah sifo sharciga ku joogo laga rabo.
Go’aamadan
ayaa laga soo saaray shir ay maanta iskugu yimaadeen Wasiirada
Wasaaradaha Arrimaha Gudaha Yaasiin Xaaji Maxamuud Xiir, Wasiirka
Duuliska, Hawada iyo gaadiidka Cirka Farxaan Aadan Haybe, Wasiiru Dawlaha
Amniga Maxamed Muuse Diiriye, Taliyaha Ciidamada Boliska Sareeye Guuto
Cabdillaahi Fadal Iimaan, iyo Taliyaha Ciidanka Laanta Socdaalka Maxamed
Cismaan Caalin, kuwaas oo shaaciyey in dalka lagaga mamnuucay Guud
Ahaanba in lagu joojiyey Isticmaalka Iyo
ku Safrida Baasaboorka Soomaaliya Ee Lagu Sameeyo Gudaha
Somaliland.
Amarkabn ka soo baxay wasiirka
Arrimaha gudaha ayaa lagu cusboonaysiiyey
qaraar hore uga soo baxay wasaarada
arrimaha gudaha oo mamnuucayey qaadashada
iyo isticmaalka baasaboorka lagu sameeyo
ama laga soo saaray goob kamida
gudaha dalka Somaliland.
Go’aamada
Wasiiradu isla qaateen waa sidan hoos
ku qoran:
1-In gabi ahaanba
la joojiyo qaadashada , istimaalka iyo ku
safarka baasaboorka soomaliya ee kasoo baxay ama
ku qoran tahay in lagu sameeyey goob
kamida dhulweynaha jamhuuriyada Somaliland laga bilaabo
January 2017.
2- Dhamaan
Shirkadaha safarka iyo diyaaradaha ( Airlines and Travel Agencies)
kuma jari karaan tigidh baasaboorka kor ku
sheegan ee laga mamnuucay Isticmaalkiisa.
3- Dhamaan laamaha
Socdaalka iyo Amniga waxa la farayaa in
aan baasaboorkan dalka lagu soo gali Karin
lagagana bixi Karin.
Maalmahan
damba ayaa ciidamada amnigu dadka waydiinayeen kaadhadhka aqoonsiga muwaadimo,
waxaana dadka lagu amrayey inay mar walba sitaan kaadhadhka, qofkiii aan
lahayna uu soo samaysto, taas oo ay sheegeen in lagu kala xaqiijinayo
muwaadinka iyo qofka Ajanabiga ah ee sharci darada wadanka ku jooga.
Barkhad-ladiif M. Cumar, Hiiraan Online
[email protected]
Hargeysa, Somaliland.
