Mareykanka oo ka digay weeraro Al-shabaab ka geystaan dalka Kenya
Sabti, Janaayo, 14, 2017 (HOL) - Dowladda Mareykanka ayaa Kenya uga digtay suura galnimada weeraro Al-shabaab
qorsheynayaan in ay ka geystaan gudaha dalka Kenya, sida lagu sheegay qoraal
kasoo baxay Mareykanka.
Warka ka soo baxay dowladda Mareykanka ayaa
lagu sheegay inay jirto cabsi laga qabo weeraro Al-shabaab ka geystaan
magaalooyinka dhaca xeebaha dalka Kenya.
War ka soo baxay sirdoonka Mareykanka ayaa loo gudbiyay sirdoonka dowladda
Kenya, waxaana lagu wargeliyay inay jiraan xogo amaan oo la helay, kuna saabsan
weeraro Al-shabaab la damacsan yihiin xeebaha dalka Kenya.
Muwaadiniinta Mareykanka ee kusugan dalka Kenya, ayaa lagu wargeliyay inay
yareeyaan dhaqdhaqaaqa ay ka sameynayaan magaalooyinka dhaca dhanka xeebaha
dalka Kenya.
Ugu danbeyntii, Kenya ayaa sheegtay inay heegan buuxa gelisay ciidamada
dalkeeda, si looga hortago weerarada Al-shabaab damacsan yihiin inay ka
geystaan gudaha dalkaasi Kenya.
C/raxmaan Diini, Hiiraan Online
[email protected]