Wakiilada beesha caalamka oo goob joog ka ahaanaya doorashada guddoonka baarlamaanka
Arbaco, Janaayo, 11. 2017 (HOL) - Diyaargaroowgii ugu danbeeyay ee doorashada
guddoonka sare ee baarlamaanka Soomaaliya ayaa ka socta xiligan magaalada
Muqdisho oo siweyn amniga loo sugay.
Guddoomiyaha KMG ee guddoonka baarlamaanka Cismaan Cilmi
Boqorre oo warbaahinta gudaha wareysi siinayay ayaa sheegay in doorashada
maanta ay goob joog ka noqon doonaan wakiilada beesha caalamka ka jooga caasimada
intooda badan, isaga oo rajo ka muujiyay in doorashada ku dhacdo jawi degan.
Siddoo kale, qaar ka mid xildhibaannada baarlamaanka oo
aragtidooda doorashada ka hadlay ayaa sheegay in doorashadan maanta tahay mid
xiiso gaar ah xambaarsan, islamarkaana
bulshada ka rajeynayaan natiijo farxad galisa.
Ugu danbeyntii, guddoonka baarlamaanka ayaa waxaa ku
tartamaya xildhibaan C/rashiid Max’ed Xidig, Prof Max’ed Cismaan Jawaari, C/fitaax Max’ed Ibraahim Geeseey, iyo xildhibaan Idiris Aadan Dhakhtar,
waxaana isha lagu wada hayaa musharaxa ugu danbeyntii ku guuleysta hogaanka baarlamaanka afarta
sano ee soo socta.
C/raxmaan Diini, Hiiraan Online
[email protected]
