Amniga oo aad loo adkeeyay iyo jidadka muhiimka ah ee magaaalada Muqdisho oo xiran
Arbaco, Janaayo, 11, 2017 (HOL) - Iyadoo maanta lagu wado in magaalada Muqdisho
ka dhacdo doorashada guddoonka sare ee baarlamaanka Soomaaliya ayaa siweyn loo
adkeeyay amniga magaalada, waxaana xiran jidad muhiim u ah isku socodka dadka
iyo gadiidka.
Jidadka Maka Al-Mukamarama, Taleex, wadadda Tarbunka iyo
jidad kala oo halbowle u ah isku socodka dadka ayaa lagu arkayaa ciidamo aad u
hubeysan oo dadka iyo gadiidka intaba u diidaya dhaqdhaqaaqa jidadkaas si
looga hortago falal amaan darro oo dhaca inta ay socta doorashada guddoonka
baarlamaanka.
Dadka reer Muqdisho oo wax badan ka bartay xaalada caasimada
xiliyada ay jiraan kulamada muhiimka ah ayaa ka sii warqabay in maanta oo kale la
xirayo jidadka muhiim ah, sidaa daraadeed waxaa yar dhaqdhaqaaqa dadka goobaha amnigooda sida weyn loo sugayo.
Doorashada ayaa la qorsheynayaa in ay ka dhacdo xarunta
gollaha shacabka oo si gaar ah amnigeeda loo sugay, waana doorasho marka la
eego ka xiiso iyo xaamasad badan doorashooyinkii horey dalka uga soo dhacaya marka
la eego miisaanka siyaasadeed oo ay dalka ku leedahay iyo waliba musharixiinta
ku hardamaya oo ay adag tahay in saadaal laga sii bixiyo.
C/raxmaan Diini, Hiiraan Online
[email protected]
