Xildhibaannada Galmudug oo kalsoonnidii kala laabtay madaxweyne Cabdikariin Xusseen Guulleed
Talaado, Janaayo, 10, 2017 (HOL) -Wararka xiligan naga soo gaaraya degmada Cadaado
ayaa sheegay in xildhibaannada Galmudug kalsoonidii kala laabteen madaxweynaha
dowlad gobolleedka Galmudug Cabdikariin Xusseen Guulleed.
Kulanka maanta oo ahaa mid xasaasi ah ayaa waxaa shir guddoomiyay
guddoomiye ku-xigeenka baarlamaanka Xareed Cali Xareed, waxaana cod kalsoonida kala laabtay
madaxweynaha 54 xildhibaan oo ka tirsan mudanayaasha baarlamaanka Galmudug oo ka kooban 89 xildhibaan.
Madaxweynaha Galmudug oo ku sugan magaalada Muqdisho ayaa
warbaahinta u sheegay in waxa ka socda Cadaado lagu tilmaami karo Fowdo iyo
sharci darro, isaga oo intaa ku darray in uusan aqoonsan doonin natiijo kasta
ka soo baxda fadhiga baarlamaanka.
Siddoo kale, guddoomiyaha baarlamaanka Galmudug Cali Gacal
Casir ayaa horay u sheegay in 45 cisho fasax dheeraad ah la siiyay
xildhibaannada, sababo la xiriira sida uu hadalka u dhigay abaaraha ka jira
deegaanka oo u baahan ayuu yiri in loo gurmado.
Wixii warar ah ee ka soo kordha arintan waan idin soo gudbin
doonaa..
C/raxmaan Diini, Hiiraan Online
[email protected]
