Musharixiin sheegay qaabka ay wajahayaan doorashada maalinta beri ah
Talaado, Feberaayo, 07, 2017 (HOL) – Kulan magaalada
Muqdisho ay ku yeesheen xalay isbaheysiga musharixiinta u taagan xilka
madaxweynaha ayaa looga wada hadlay sida ay u wajahayaan doorashada la filayo
in maalinta beri ka dhacdo Muqdisho.
Ridwaan Xirsi Max’ed oo ah afhayeenka isbaheysiga
musharixiinta xilka madaxweynaha oo warbaahinta la hadlay ayaa sheegay in ay ku
hishiiyeen musharixiinta marka ugu danbeysa in ay codkooda siiyaan musharaxa ka
tirsan gollaha ee codadka ugu badan hella.
‘’Kulan wada jir ah oo ay yeesheen gollaha isbaheysiga
musharixiinta xilka madaxweynaha, waxaa leysku afgartay in codka loogu shubo
musharaxa ka tirsan isbaheysiga ee codadka ugu badan hela’’ ayuu yiri
afhayeenka gollaha musharixiinta xilka madaxweynaha.
Ridwaan ayaa sheegay in sidoo kale musharixiinta ku
hishiiyaan haddii uu guuleysto mid ka mid ah musharixiinta ku jira isbaheysiga
in uu soo dhiso dowlad ku dhisan sida uu hadalka u dhigay rabitaanka bulshada
islamarkaana lagana talo-galiyay xildhibaannada labada aqal ee Soomaaliya.
Kulanka magaalada Muqdisho ay ku yeesheen musharixiinta ayaa
qeyb ka ah olalihii ugu danbeeyay ee loogu diyaargaroobayo doorashada oo la
filayo in ay maalinta beri ah dhacdo.
C/raxmaan Diini, Hiiraan Online
[email protected]