Muqdisho oo gashay labo maalmood oo Bandow ah [Sawiro]
Talaado, Feberaayo,
07. 2017 (HOL) - Magaalada Muqdisho ayaa gashay labo maalin oo bandaw ah oo aan
wax isu socod iyo dhaqdhaqaaq ganacsi ka jirin doonin meelaha qaar, kaddib
markii ay bilaabatay diyaar garowga doorashada Madaxweynaha oo lagu wado in
maalinta berri ay dhacdo.
Ammaanka magaalada Muqdisho ayaa si aad ah loo adkeeyay, iyadoo si isku mid
ah xaafadaha magaalada u saameysay howl galada amni sugid ee ka socda.
Ciidamo kala duwan ayaa la dhigay jidadka waa weyn ee magaalada, iyadoo
meelaha qaar lagu gooyay dhagxaan iyo ciid, waxaana magaalada qeybo ka mid ah u
ekaatay goob dagaal oo dhufeyso leh. 
Waddooyinka Maka Al-Mukarama, Wadnaha iyo kuwa kale ayaa saaka wax gaadiid
isticmaaleyn, waxaana isgoysyada taagan ciidamo kala duwan.
Isu socodka dadka ayaa ahaa mid caadi ah, waxaana ay maalayeen lugahooda,
dad badan ayaa la arkayay iyagoo u lugeynaya goobahooda shaqo sida Suuqa
Bakaaraha.
Gaadiidkii ka baxayay magaalada iyo kuwii soo galayay ayaa la joojiyay,
waxaana arrintan saameyn ay ku yeelatay qudaartii iyo xoolihii magaalada la soo
gelinyay.
Dadweynaha ayaa sii adeegtay oo qaarkood hilib ayay u sii iibsadeen maalinta
berri oo laga yaabo inay dhacdo hilib la’aan.
Ugu danbeyntiim jawiga magaalada Muqdisho ayaa ah mid maalmihii la so
dhaafay, cid walba ayaa u dhega taageysa xaalka sida uu u socda iyo doorashada
beri dhici doonta iyo ugu danbeyntii, halka ay xildhibaannada Soomaaliyeed
codkooda dhigaan.
C/raxmaan Diini, Hiiraan Online
[email protected]
