Jaaliyada Khaatuma ee gobolka Ohio oo u dabaal dagay sanadguuradii 5aad
Isniin, Feberaayo,
06, 2017 (HOL)-Jaaliyada Soomaaliyeed ee ka soo jeeda gobolada Sool Sanaag iyo
Cayn ee Maamulka Khaatumo ayaa habaynimadii xalay u dabaaldagay sanadguuradii
5aad ee Mamulka Khaatumo State of Somalia.
Waxaa ka soo
qeybgalay masuuliyiin iyo wasiiro ka tirsan Khaatumo State Of Somalia iyo dad
weyne aad u badan oo reer Columbus ah iyada oo ay ka Heesayeen Fanaaniin
Soomaaliyeed oo ay ka mid ahayeen Boqol, Hodan C/rixman, Safiyo Tusmo iyo kuwo
kale oo badan.
Masuuliyiintii ka
socday Khaatumo ayaa xusay ahmiyada midnimada Soomaaliya u leedahay qaranimada,
iyo in la helo hanaan dowladeed oo cadaalad ku salaysan iyada oo laga fikirayo
qaladaad si shaqsi ah loo galo in aysan dhicin isla markaana la raadiyo
jiritaankii Soomaali mid ah.
Waxay aad walaac
uga muujiyeen hanaanka Dhismaha maamulada dalka oo aysan dowladii xiligeedu
dhamaaday si cadaalad ah uga shaqeyn dhamaystirka Maamulo ku dhisan Awooda
shacabka iyo deegaanka.
Xaalada Abaaraha
dalka ka jira ayay xuseen in ay tahay mid aad u daran una bahan gurmad qaran
iyo mid Caalami ah, iyaga oo Alle uga baryay in uu dadka Abaaraha ka saaro oo
uu Madar qeyr qaba siiyo.
Xaflada oo laga
qaaday Heeso Wadani ah, Gabayo, iyo sugaan kala gadisan waxay ahayd mid aad u
soo jiidatay ka soo qeybgalayaasha.
Bashir Tajir &
Deeqo SONNA