Cabdiwali Gaas’’ Muqdisho waxaan u nimid inaan goob joog u noqono isbadalka ka dhacaya Soomaaliya
Isniin, Feberaayo, 06, 2017 (HOL) – Madaxweynaha dowlad gobollleedka Puntland Cabdiwali Max’ed
Cali Gaas iyo wafdi uu horkacayo ayaa maalintii shalay soo gaaray magaalada
Muqdisho, si ay goob joog uga noqdaan doorashada madaxweynaha ee lagu wado in
ay dhacdo 08 bishan Feberaayo maalinta Arbacada ah.
Madaxweynaha oo faah faahin ku bixiyay ujeedada socdaalka isaga iyo wafdiga
uu hogaaminayo ayaa sheegay in ay la socon doonaan doorashada Madaxweynaha,
isagoo xusay in Puntland qeyb muhiim ka tahay dowladda Federaalka, ayna
doonayana inay wax ka ogaadaan oo ay kor-joogto ka noqonayaan doorashada.
‘’Waxaa goob joog u noqon doonaa is
bedelka ka dhici doona dalka ayuu yiri madaxweyne Cabdiwali Max’ed Cali Gaas.
Marka laga soo tago madaxweynaha Puntland waxaa horay u sii joogay magaalada
Muqdisho madaxweynayaasha maamullada Galmudug, Koofur Galbeed iyo Hirshabeelle.
Ugu danbeyntii, doorashada
madaxweynaha Soomaaliya waxaa ku tartamaya musharixiin xilal kala duwan
qaarkood ka soo qabtay dalka, taaa oo siweyn isha loogu wadda hayo natiijada ay
ku soo dhamaan doonto.
C/raxmaan Diini, Hiiraan Online
[email protected]
