Al-shabaab oo afar ruux ku toogatay degmada Jamaame ee gobollka Jubbada hoose
Isniin, Feberaayo,
06, 2017 (HOL) – Wararka naga soo gaaraya degmada Jamaame ee gobolka Jubbada
hoose ayaa sheegaya in xarrakada Al-shabaab galinkii danbe ee maalintii shalay
maal fagaaro ah ku toogteen afar dhalinyarro ah oo ay ku eedeeyeen in ay u
basaasayeen maamulka Jubbaland.
Ragga dhalinyarrada ah oo ay Al-shabaab dileen ayaa lagu
kala magacaabi jiray Siyaad Cali Cabdi 26 jir, C/llaahi Cali Xasan 26 jir,
Axmed Ibraahim Hire 28 jir iyo Yuusuf Makaraan Maxamed 58 jir.
Maxkamad ay leeyihiin Al-shabaab ayaa sheegtay in raggan
lagu hellay dhamaanba danbiyadii lagu soo eedeeyay, taasoo ku riday xukun dil
ah.
Al-Shabaab ayaa inta badan toogta ama howraca dadka ay ku eedeeyaan in ay la
shaqeeyaan ciidamada dowladda ama kuwa howlgalka midowga Africa AMISOM .
Marar badan oo hore ayeey sidan oo kale meel fagaaro ah ku toogteen
dhalinyaro ay ku eedeeyeen in ay basaas yihiin.
C/raxmaan Diini, Hiiraan Online
[email protected]
