Axad, Feberaayo, 05, 2017 (HOL) – Ciidamada dowladda Soomaaliya ayaa ku guuleystay in ay ka saaraan miino lagu aasay wado inta badan marin u aheyd ciidamada dowladda Soomaaliya iyo kuwa howlgalka midowga Africa AMISOM.
Taliyaha qeybta booliiska gobolka Hiiraan Isaaq Cali Cabdulle ayaa warbaahinta u sheegay in wadadan ay muhiim u aheyd ciidamada dowladda iyo kuwa howlgalka midowga Africa.
‘’Waxaan ku guuleysanay in aan ka saarno miinada halkaa lagu aasay, wadadaas oo muhiim u aheyd isticmaalka ciidamada dowladda iyo AMISOM’’ ayuu yiri’’ taliyaha.
Waxaa uu sheegay in Al-shabaab damacsanaayeen in miinada ku bartilmaameedsadaan ciidamada isticmaala waddada.
Ugu danbeyntii taliyaha ayaa ugu baaqay dadka deegaanka in ay wada shaqeyb buuxda la yeeshaan ciidamada , islamarkaana ku soo wargaliyaan ciidamada dowladda falalka amniga ka dhanka ah.