Xildhibaanno loo dhaariyay xubinnimada gollaha shacabka
Axad, Feberaayo, 05, 2017 (HOL) – Xarunta gollaha shacabka,
ayaa maanta lagu dhaariyay labo xildhibaan oo ka mid ahaa mudanayashii dib loo
soo doortay.
Xildhibaan Sheekh Shaacir oo lagu soo doortay magaalada Baydhabo ee xarunta gobolka
Baay, ayaa maanta si rasmi ah loogu dhaariyay ka mid noqoshada baarlamaanka
cusub ee dalka.
Sidoo kale waxaa la dhaariyay xildhibaan Max’ed C/llaahi Xasan Nuux oo si
rasmi ah u noqday Xildhibaan, kadib markii shalay lagu doortay Magaalada Muqdisho.
Kulanka Baarlamaanka oo ka socda Muqdisho, ayaa xildhibaanada waxa ay
dhageysanayaan Khudbadaha ay jeedinayaan Musharaxiinta xilka Madaxtinimada
dalka.
Ugu danbeyntii, waxaa xarunta gollaha shacabka ka soconaya dhageysigii ugu
danbeeyay khudbadaha musharixiinta xilka madaxweynaha.
C/raxmaan Diini, Hiiraan Online
[email protected]
