Xaruntii lagu qaban lahaa doorashada madaxweynaha oo laga wareejiyay
Axad, Feberaayo
, 05 2017 (HOL) - Guddiga doorashada
Madaxweynaha ayaa sheegay in laga wareejiyay goobtii la filayay in doorashada
Madaxweynaha ka dhacdo oo aheyd Xarunta Dugsiga Tababarka Booliska ee Jen.
Kaahiye, kaddib markii ay cabasho soo gudbiyeen illaa 18 Musharax.
C/raxmaan Ducaale Beyle oo ka hadlayay cabashada Musharaxiinta ayaa sheegay
in la go’aansaday in doorashada ka dhacdo xarunta afisyooni ee ciidamada cirka,
oo u dhaxeysa garoonka diyaaradaha iyo dugsiga tababarka booliska ee Jen.
Kaahiye.
Mr Beyle oo la hadlayay Idaacada VOA ayaa sheegay in 18 ka mid ah
Musharaxiinta ay soo gudbiyeen walaac ku aadan in aanay kalsooni ku qabin in
doorashada ka dhacdo xarunta Booliska.
“18 Musharax ayaa soo gudbiyay cabasho, iyo walaac ah in aysan kalsooni ku
qabin goobta doorashada ka dhaceyso ee horay loo asteeyay, waxaa lagu heshiiyay
in doorashada ka dhacdo xarunta Afisyooni”ayuu yiri C/raxmaan Ducaale Beyle.
Musharaxiinta qaar ayaa baqdin ka qaba in ay dhici karto wax isdaba marin
iyo musuq maasuq lagu sameeyo doorashada.
C/raxmaan Diini, Hiiraan Online
[email protected]