Jeedinta khudbadaha musharixiinta oo goor dhaw bilaabatay
Sabti, Feberaayo, 04, 2017 (HOL) - Waxaa goor dhow xarunta golaha shacabka
ee magaalada Muqdisho ka bilaabatay dhageysiga wajiga labaad Khudbad
jeedinta musharaxiinta xilka madaxtinimada dalka.
Xarunta gollaha shacabka waxaa ku sugan 7 Musharax ee maanta loo
qorsheeyay in ay jeediyaan khudbadaha, maadaama uu is casilay Eng C/laahi Cali
Xassan oo ka mid ahaa musharixiintii maanta ku qornaa jadwalka jeedinta khudbadaha.
Guddoomiyaha gollaha shacabka Maxamed Sheekh Cismaan (Jawaari) iyo ku
xigeenadiis ayaa ku sugan xarunta ay socoto khudbad jeedinta, si ay ula socdaan
musharaxiinta iyo hadal jeedintooda.
Musharaxiinta khudbadaha jeedinaya ayaa waxa ay kala yihiin:-
C/naasir Cabdulle Maxamed
C/raxmaan C/shakuur Warsame
C/raxmaan Maxamed Maxamuud (Faroole)
C/laahi Cali Axmed (Cadow Cali Gees)
C/laahi Ciilmooge Xirsi
C/qaadir Cosoble Cali
Cali Xaaji Warsame.
Ugu danbeyntii, maalinta beri ah ayaa
lagu waddaa in la soo gabagabeeyo jeedinta khudbadaha masharxiinta u taagan
xilka madaxweynaha Soomaaliya.
C/raxmaan Diini, Hiiraan Online
[email protected]