Dibadbax lagu taageeray go'aankii maxkamada ICJ oo ka dhacay Muqdisho
Jimco, Feberaayo, 03, 2017 (HOL) - Dibadax lagu taaageeray guushii hor dhaca aheyd ee Soomaaliya ay ka gaartay dacwada badda ee u dhaxeysa labada dal Soomaaliya iyo Kenya ayaa maanta ka dhacay magaalada caasimada ah ee Muqdisho.
Didbadaxan ayaa marka laga soo tago dadweynihii ka qeybgallay sidoo kale
waxaa goob joog ahaa mas’uuliyiinta maamulka gobolka Banaadir iyo inta badan
guddoomiyayaasha degmooyinka gobolka
Dadkii ka qeybgallay isku soo baxa ayaa muujiyay dareenkooda la xiriira
sida ay u soo dhaweynayaan go’aankii ay maalintii shalay qaadatay maxkamada ICJ
oo aqbashay soo jeedintii Soomaaliya ee aheyd in maxkamadu awood u leedahay in ay
gasho ama qaado dacwada badda ee labada dal.
Sidoo kale dadkii ka qeyb-gallay dibadbaxa ayaa sheegay in rajo wanaagsan ka
qabaan qeybaha danbe ee dacwada ee la xiriirta go’aan ka gaarista muranka la
xiriira soohdinta badda mar haddii ay maxkamadu aqbasha in ay galli karto ama
qaadi karto dacwada.
Dowladda Kenya ayaa markii hore ku
dooday in maxkamada awood u laheyn in ay
gasho dacwadan, taa badalkeedana loo baahan yahay in loo daayo labada dal oo
dhameysan kara sida ay hadalka u dhigtay Kenya muranka arintan la xiriira, hasse
ahaatee waxaa taa ku gacan seyrtay dowladda Soomaaliya oo ugu danbeyntii
maxkamada ICJ aqbashay soo jeedinteedii.
