Ra'iisal wasaare ku-xigeenka oo baarlamaanka kala wareegay lacag wax looga qabanayo abaarta
Jimco, Feberaayo, 03, 2017
(HOL) - Ra’iisul Wasaare Ku-Xigeenka Xukuumadda Federaalka Soomaaliya ahna
Gudoomiyaha Guddiga Gurmadka Abaaraha ee heer Qaran ayaa maanta ka guddoomay
lacag dhan $360,000 (saddex boqol iyo lixdan kun), Guddoomiyaha Golaha Shacabka
Mudane Maxamed Sheekh Cusmaan Jawaari. Lacagtaas oo ah 50% lacagti laga
uruuriyay Musharixiinta jagada Madaxweynenimo u tartamaysay oo horey
Xildhibaanada labada Aqal u go’aamiyeen in wax looga qabto Abaaraha dalka ka
jira.
Mudane Carte ayaa u mahad
celiyay dhammaan Musharixiinta iyo Xildhibaanada labada Aqal isaga oo sheegay
in lacagtan ay gaarsiin doonaan dadkii loogu talagalay.
“Xildhibaanada labada Gole
iyo Musharixiinta aad ayaan uga mahad celinayaa doorka ay ka qaateen in loo
gargaaro dadkeenna dhibaateysan; waxa aan Ilaahay hortiis iyo hortiinaba ka
ballan qaadayaa in lacagtani ay ku bixi doonto sidii loogu talagalay”.
Ugu dmabeyn, ra’iisul wasaare
ku-Xigeenka ahna Xildhibaan ka tirsan golaha shacabka ayaa Xildhibaanada, Musharixiinta,
iyo dhamaan qaybaha kala duwan ee dadka Soomaaliyeed ka codsaday in ay wax
walba oo karaankooda ah la garab istaagaan guddiga si loo badbadiyo ku dhawaad
5 milyan oo qof oo Soomaali ah oo abaartu saameysay.
C/raxmaan Diini, Hiiraan Online
[email protected]