Guddiga nabad-galyada gobolka Sool oo ka hadlay falal ammaan darro oo dhacay
Khamiis, Feberaayo, 02, 2017 (HOL) -Laba
shil ayaa ka dhacay gobolka Sool mid sadexnin ayaa lagu dhaawacay magaalada
midna hawd ayuu ka dhacay oo laba beelood oo khilaaf ka dhexeeyey ayaa nin ku
dhintay nina ku dhaawacmay" sidaa waxaa yidhi gudoomiyaha Gobolka Sool
Cabdi Khayre Dirrir oo warsaxaafadeed ku qabtay xarunta gobolka.
Gudoomiyu waxa uu si aad ah ugu
dheeraaday dhibaatooyin mudooyinkii danbe ku soo noqnoqnay, waxaanu ka xusay
labadii u danbeeyey oo uu sheegay dabley hubaysan oo laba rag ah iyo haweeney
ku dhaawacmeen iyo nin lagu diley halka lagu dhaawacay mid kale Dabdheer oo
70KM ku dhowaad galbeed Laascaanood kaga aadan.
"Tuugu marka uu jabsanayo
gurigaaga kuma soo ogaysiinayo tanina arinta qolyahani waa sidaas oo kale, oo
marka ay wax dilayaan jaanis ayay eeganayaan, waxaana meesha ka maqan shacabkii
soo sheegi lahaa" ayuu yidhi Khayre maruu difaacayey su'aal la weydiiyey
dayacaada ciidanka booliska.
Falka ka dhacay magaalada
Laascaanood ayaa Taliyaha Ciidanka Booliska oo ka hadlaayey falalkan ayaa
ku sheegay in kooxo loo malaynayo dhalinta qaldan sida uu hadalka u sheegay oo
ahaa Laba dhalinyaro ah buu yidhi oo Bistoolado ku hubaysan.
"Ciidanku hawlagal bay ku
jiraan, dad laga shakiyeyna waa hayaan qaar kalena waa baadigoobayaan waxaana
dadaal ugu jiraa sidii arintan iyo kuwa kale ee la midka ah wax uga qaban
lahayn, shacabkaana laga rabaa inay nala shaqeeyaan" ayuu yidhi Ibraahin
Jaamac Daad Taliyaha ciidanka Booliska Gobolka Sool.
Ugu danbeyntii, hadal haynta
dhacdooyinka sida aadka ah u waxyeelaynaya amaanka gobolka Sool.
Seynab Cabdi Warsame
[email protected]
Laascaanood G Sool
