Suuq midow oo lagu sarifayo lacagta shilinka Soomaaliland
Arbaco,
Febraayo ,1, 2017 (HOL)- Tan iyo intii go’aamadda xukumadda Somaliland ee ay
ka soo saartay qiimo jabka ku dhacay shilling Somaliland, waxa wadanka ka
bilaabmay suuqa madow oo aan hore u jirin, isla markaana keentay in sarifka
lacagta gaar ahaan gacanta dambe ay hawadda isku shareertay.
Xukuumadda
ayaa go’aamadda ay soo saartay waxa ka mid ahaaa in sarifka isku bedelka
lacagta dollar iyo shilling Somaliland aanu dhaafi Karin gacanta hore 6800 shsl
halka dollar, halka gacanta dambe aaanu dhaafi Karin toddoba kun SHSL.
Haseyeeshee,
gacanta labaad oo ah marka aad lacag shilling Somaliland haysato oo aad u
baahan tahay dollar ma heli karto, haddii aad heshana suuqa madow ayaa lagugu
sarifayaa oo boqolka dollar marka u baahantahay lagugu bedelao sagaal boqol oo
kun waa haddii aad hesho.
Sidoo
kale, marka aad shilling Somaliland haysato ee aad doonayso inaad wax iibsato
waxa lagu xisaabinayaa gacanta dambe oo noqonaysa halkii dollar sagaal kun.
“dee
waxa imika bilaabmay suuqa madow oo laguu sarifi maayo haddii aad kaash haysato
oo aad doolar u baahan tahay heli maysid, haddii aad heshana waxaad ku qasban
tahay suuqa madow in lagugu sarifo inta ay doonayaan iyadoo boqolkii doolar
sagaal boqol kugu siinayaa, ciidankii soo qaban lahaa si hoose lacag loogu
dhiibayaa oo la odhanaya iska aamuso lacagta qaado halkaasi ayuu marayaa suuqii
madoobaa”ayuu yidhi mid ka mid ah dadka xogogaal u ah sarifka lacagaha.
Go’aamadan
xukuumadda ka soo baxay ayaa lagu sheegi karaa go’aamo xumad jabin ah si dadkii
kacsanaa ugu nastaan, haseyeeshee dhibaato ayey dadkii u horseeday oo wax walba
cirka ayuu ku maray.
Guddidan
madaxweynuhu magacaabay ayaa ku meeraysanaya sarifleyaasha oo ay ku qasbeen in
aanay dhaafin Karin toddoba kun gacanta dambe, haseyeeshee waxa sarifleyaasha
xukumaya ganacsatada waaweyn oo iyagu suuqa ka urursanaya doolar taas oo
baahiddii dollar kor u qaaday
Barkhad-ladiif
M. Cumar, Hiiraan Online
[email protected]
Hargeysa,
Somaliland.
