Kenya oo sheegtay in weerarkii Kulbiyoow ka qeyb-qaateen dhalinyaro Kenyaan ah
Arbaco, Feberaayo, 01, 2017 (HOL) – Saraakiil ka tirsan dowladda Kenya ayaa
sheegay in weerarkii Al-shabaab todobaadkii hore ay ku qaadeen saldhig ay ku
lahaayeen deegaanka Kulbiyoow ka qeybqaateen dhalinyarro ajaanib ah oo qaarkood
ka soo jeeda dalka Kenya.
Waxaa ay sheegeen in weerarkii lagu qaaday saldhiga ciidamada dowladda Kenya
ee degaanka Kulbiyow ay ka qeyb qaateen dagaalyahano ku jira Al-Shabaab oo ka soo
kala jeedda dalalka Kenya iyo sidoo kale Tanzania.
Weerarka oo markiisii hore ku bilaawday qaraxyo ismiidaamin ah ayeey
sheegeen saraakiisha Kenya in ay fuliyeen dhalinyaro Kenyaan ah, hasse ahaatee
markii ay qaraxyadaa dhaceen kadib dhalinyaro u badnaa Soomaali weerar ku toos
ah ku qaadeen saldhiga.
Sida laga soo xiganayo hay’adda ammaanka dowladda Kenya dagaalkii Kulbiyow waxaa
ka qeyb qaatay in ka badan 500 oo askari oo Al-shabaab ka tirsan , waxaana ku jiray ayeey
sheegeen laamaha amniga dhalinyarro ka soo jeedday dalalka Kenya iyo Tanzania.
” Qof kii ugu horeeyay ee waday gaarigii lagu qarxiyay saldhiga ciidamada ,
waxaana uu ku hadlayay luqadda sawaaxiga ee looga hadlo Kenya” sidaa waxaa
sheegay afhayeen u hadlay laamaha amniga Kenya.
Ugu danbeyntiim, Al-Shabaab ayaa Jimichii lasoo dhaafay waxaa ay weerar
xoogan ay ku qaadeen degaanka Kulbiyow ee gobolka Jubbada Hoose, waxaana ay
sheegeen in ay halkaasi ay dileen tiro ka mid ah ciidamada dowladda Kenya.
C/raxmaan Diini, Hiiraan Online
[email protected]
