Xildhibaanadda deegaanka Saylac oo maayarkooddii bedelay iyo xukuumadda oo ka soo horjeestay
Jimco, April, 21 2017 (HOL)- Xildhibaanada golaha deegaanka
degmadda Saylac ayaa bedelay maayarkoodii,isla markaana maayar cusub doortay,
taas oo abuurtay khilaaf u dhexeeya golaha deegaanka Saylac iyo wasaardda
Arrimaha gudaha Somaliland.
Wasaaradda Arrimaha gudaha ayaa
sheegtay in sharciga loo maray xil ka qaadistaasi, waxaana waxba kama jiraan ku
tilmaameen qaabka loo maray xil ka qaadista lagu sameeyey maayarka Saylac.
Xildhibaanadda golaha deegaanka
Saylac intoodda badan ayaa iyagu sheegay inay doorteen maayar cusub,isla
markaaan dawladda hoose ee degmadda laga joojiyey inay soo galaan, waxaanay
xuseen in ciidan la dhigay oo loo diiday inay galaan.
Khilaafkan golaha deegaanka
degmadda Saylac iyo wasaarada Arrimaha gudaha oo diidan xil ka qaadistaasi
maayarkii hore oo ay sheegeen in aan sifo sharci ah loo marin ayaa warbaahinta
isku mariyey eeddo mid dhanka kale eedeynayo.
Wasiir ku xigeenka maamulka gobolada
iyo degmooyinka ee arrimaha gudaha Jaamac Biin ayaa ku dooday in sifaha xilka
laga qaaday maayarkii hore dib u eegayaan oo sharciga waafjinayaan, taasina
waxay keentay in xildhbaanada iyo maayarka cusub ee ay doorteen loo diido inay
soo galaan dawlada hoose.
“wasiirka arrimaha gudaha ayaa
hore wareegta uga soo saaray in mudadda
doorashadda ka hadhay aan la qaban Karin shir lagu ridayo Maayar, marka cabasho
ayey noola yimaadeen xildhibaanadu waana u sheegnay in aan la bedeli Karin,
marka iyagoo cidi ogayn ayey maayar cusub iska doorteen marka waxa loo eegaya
sharciyadda”ayuu yidhi Jaamac Biin wasiir ku xigeenka Amniga Somaliland
Haseyeeshee xildhibaanadan golaha
deegaanka Saylac ayaa sheegay inay sharci daro tahay in laga hor joogsado inay
shaqadoodii bilaabaan, isla markaana xukuuumadda ku eedeeyey talaaabadda ay
qaaaday, waxaanay sheegeen in maayarkan cusub Saacad Daahir Cige uu gudoomiye u
yahay,isla markaana doorteen inuu noqdo maaayarka magaaladda Saylac.
Waxaanay sheegeen in maayarki
hore Xuseen iidle xilkii ka qaadeen, waxaanay ku doodeen inay sharciyadii xilka
lagaga qaadayey mareen.
“anaga waxa gudoomiye noo ah
Sacad Daahir Cige nin neceb iyo nin jecelba, anagu qasab ku qaadan mayno Xuseen
Iidle (Maayarkii hore), dhamaan reerahuna maayarkan cusub bay wada
doorteen”ayuu yidhi xildhibaan ka mid ah xildhibaanadda golaha deegaanka
Saylac.
Barkhad-ladiif M. Cumar,
Hiiraan Online
[email protected]
Hargeysa, Somaliland.
