DAAWO: Shir jaraa'id oo ay Beleweyne ku qabteen isbaheysiga is-bedel Sameynta Soomaaliyeed
Sabti, September 17, 2016 (HOL) —
Siyaasiyiin ah oo la magac-baxay isbaheysiga isbadal sameynta Soomaaliyeed oo
shir jaraa'id ku qabtay Beledweyne oo ay shalay soo
gaareen, ayaa siweyn u dhaliilay dowladda federaalka Soomaaliya ee uu madaxweynaha
ka yahay Xassan Sheekh Max'uud.
Bayaanka isbaheysiga
kasoo baxay, ayaa waxaa Warbaahinta u akhriyay C/qaadir Barnaamij oo ka mid ahaa
wafdiga, waxaana qoraalka lagu sheegay in isbaheysiga si buuxda isku bar bar
taagayo go'aamada duubabka dhaqanka gobolka Hiiraan, iyaga oo dhinaca kalana ka
digay in lagu deg dego dhismaha maamulka Gobollada Hiiraan iyo Shabeellada Dhexe.
Sidoo kale, Qoraalka ayaa
waxaa ku jira qodob la xiriira soo xulista Aqalka sare iyo kan hoose ee dalka
gaar ahaan xubnaha ka quseeya gobolka Hiiraan oo ay ku taliyeen in lagu soo
xulo magaalada Beledweyne.
Wafdiga maalintii shalay
gaaray Beledweyne, ayaa waxaa ka mid ahaa ra'iisal wasaarihii hore ee
dalka C/wali Sheekh Axmed Maxamed, Duqii hore ee gobolka Banaadir Max'uud Axmed
Nuur Tarsan, C/raxmaan C/shakuur Warsame, C/raxmaan Baadiyoow, C/llaahi Goodax
Barre, Sayid Cali Macalin C/dulle iyo xubno kale, kuwaa oo shirkooda jaraa;id kaddib
ka dhoofay magaalada Beledweyne,
C/raxmaan Diini, Hiiraan
Online
[email protected]
Beledweyne, Soomaaliya
