SAWIRO: Siyaasiyiin iyo Musharraxiinta Xilka Madaxweynaha Somalia oo Gaaray Beledweyne
Jimco, September 16, 2016 (HOL) —
Inta badan Siyaasiyiinta Somalia iyo Musharixiinta u taagan xilka
madaxweynaha Soomaaliya, ayaa maanta soo Gaaray Magaalada Beledweyne, iyaga oo
ka qeyb-gallay munaasabad soo dhaweyn ah oo loogu sameeyay Baar Xasan Dhiif.
Siyaasiyiinta iyo Musharraxiinta Maanta gaaray degmada Beledweyne, ayaa Waxaa ka mid ah: RW-hii hore ee Somalia, C/wali Sh. Axmed, C/raxmaan C/shakuur Warsame,
Max'uud Axmed Nuur Tarsan, C/raxmaan C/llaahi Baadiyoow, C/llaahi Goodax Barre iyo qaar ka mid ah Siyaasiyiinta Soomaaliyeed.
Musharaxiinta ayaa khubado
kala duwan oo ay ka jeediyeen Munaasabadda soo dhaweynta ee loo qabtay, waxaa
ay ku dhaliileen Siyaasadda Dowladda Federaalka Soomaaliya, gaar ahaan dhismaha maamul-gobolleedka Hiiraan iyo Sh/dhexe oo sidda ay Hadalka u dhigeen aan wax
sharciyad ah ku fadhin, madaama aya sheegeen Dowladda hadda jirta waqtigeeda dhamaaday.
Ugu dambeyntii, Waxaa
xafladdan hadal kooban ka jeediyay Duubabka-dhaqanka Gobolka Hiiraan, Gaar
ahaan Ugaas Xasan Ugaas Khaliif oo Siyaasiyiinta iyo
Musharixiintaba Kula dardaarmay, in ay Socdaalkooda ku baahiyaan Guud ahaan Soomaaliya.
C/raxmaan Diini, Hiiraan
Online
[email protected]
Beledweyne, Soomaaliya