Bannaan-bax ka dhan ah Ganacsatada wareejiya alaabaha ee Itoobiyaanka ah oo ka dhacay Garoowe
Khamiis, September
15, 2016 (HOL) — Bannaan-bax weyn oo looga hor-jeedo ganacsatada Wareejiyayaa Alaabaha bedel-bedel-ka loo yaqaanno ee u dhahay Itoobiya ayaa Magaalada Garoowe ee xarunta Puntland ka dhacay maanta, kaddib markii ay Shacabku
sheegeen inay aad ugu so badanayaan deegaannada Puntland.
Mudaaharaadayaashaan, ayaa isugu
soo Xoomay Barxadda Garoowe, iyagoo Wata Hal-ku-dhigyo ay ku diidayaan Wareejiyaasha Dadweynuhu u yaqaanan Bedel bedel-ka, kuwaasoo Alaabaha ka samaysan Caagagga kaga
badasha Dumarka Xaafadaha Dharka la nacay.
Dibdbaxayaashan ayaa sheegay in Itooiyaanka ah ay halis ku yihiin Deegaannada Puntland, waxaana shaki badan ay geliyeen inay yihiin Ciidamo u shaqeeyay xukuumadda
Itoobiya oo qaab kale ku jooga Soomaaliya.
“Waxay helis ku yihiin wareejiyaashan
u dhashay Itoobiya Diinteena iyo Dhaqanka Suuban ee Soomaaliya, wax faa’iido
ahna dalka kuma soo kordhiyaan, waxaan uga shakisan-nahay inay yihiin jaajuusiin
Itoobiya noo-soo dirsatay, Waxaa loo baahan yahay inaan indhaha laga qarsan inta
aysan dalka qabsan,” ayuu ayay Warbaahinta u sheegeen Qaar ka mid ah Dibad-baxayaasha.
Dhanka kale, Dowladda Somalia
iyo maamulka Puntland, ayay mudaharaadayaashu waxay ka codsadeen in si deg-deg
ah wax looga qabto Qul-qulka Itoobiyaanaka iyo Dhaqammada qallafsan ee ay
bulshada kusoo kordhiyeen.
Ugu dambeyn, Bannaan-baxyaasha
ayaa codsaday in la dhaqan-galiyo amar hadda ka hor kasoo baxay Wasaaradda
Amniga Puntland oo lagu joojinayay ganacsatadan alaabooyinka wareejiya ee u dhashay
Itoobiya, kaasoo aan weli dhaqan-gellin.
Abaadir C/qaadir Cilmi
Hiiraan online
EMAIL: [email protected]
Garoowe,Puntland_Soomaaliya