SAWIRRO: Sidee u ciideen Muslimiinta ku nool Magaalada Minneapolis ee Gobolka Minnesota?
Arbaco, September 14, 2016 (HOL) —
Madasha ugu weyn ee shirarka iyo xafladaha lagu qabto ee Magaalada Minneapolis
ee lagu magacaabo Minneapolis Convention Center, ayaa waxaa soo buuxiyay kumannaan
Muslimiinta ah oo daggan Gobolka Minnesota, kuwaasoo ku tukaday Salaada Ciida-Adxa.
Waxaa goobtaa soo diyaariyey
masjid abuubakar sadiiq ee magaalada Minneapolis, waxaana oron karaa dorraad waxay
ahayd goobtii ugu badneed ee Soomaalida Minnesota ay hal mar isagu soo baxaan ,
waxaana laga maarmiwaayay in la xiro saacado qaar ka mida wadooyinka faras
magaalaha Minneapolis.
Dadweynihii halkaas isugu
yimid ayaa waxaa wajiyadooda ka muuqday farxad balaaran waxaadna arkaysay
iyagoo salaamaha ciida is dhaafsanaya xabadka xabadka isku saaraya, Takbiirta
ayaa aheed mid meel fog laga maqli karay
Maamulka Masaajidka
Abuubakar oo ayaa uga mahadceliyey dadwaynahii fara badnaa ee goobta isku yimi
siday u ilaaliyeen nidaamka , waxaana shalay latukaday labo jeer oo goobtu aay
aad u buux dhaaftay.
Sidoo kale, dorraad magaaladaan
waxaa lagu tukanaayey goobo waawayn sida Xarunta Exell Center St Paul , Barxada
Ciyaaraha ee Xaafada Cedar Riverside, Masjid Karmel, Masjid Darul Hijra, Masjid
Darul Faruuq, iyo dhamaan Masaajida kale ee Magaalada.
Siyad Said Salah, Hiiraan
Online
E-mail: [email protected]
Minneapolis, MN, Mareykanka