Wasiirro Arrimo Dibadeedka Dalalka IGAD Qaar ka mid ah oo soo Gaaray Magaalada Muqdisho
Talaado, September
13, 2016 (HOL) — Waxaa goor-dhaw Garoonka diyaaradaha ee Aadan Cadde ee Muqdisho kasoo
dagay wasiirada arrimaha dibadda ee dalalka Jabuuti, Kenya iyo Uganda,
kuwaasoo hordhac u ah wafdiga ka qayb-galaya shirka IGAD.
Garoonka Diyaaradaha
Muqdisho iyo Waddooyinka soo gala, ayaa Ammaankooda si aad ah loo adkeeyay, waxaana Wasiirrada hor-dhaca ah kusoo dhaweeyay Garoonka Mas'uuiyiin ka tirsan Dowladda Federaalka
Soomaaliya.
Wararka laga helayo Garoonka
Aden Adde, ayaa sheegaya in Wasiirrada IGAD loo Gudbiyay madasha uu ka dhacayo Shir-madaxeedka
IGAD, kaasoo markii ugu horreysay lagu qabanayo Muqdisho tan iyo markii la
aasaasay ururkaan sannadkii 1986-kii.
Madaxweynaha Somalia Xasan
Sh. Maxamuud, ayaa sheegay in shirkaan uu u yahay fursad weyn Somalia, ayna
Beesha Caalamku ku Qiimeyn doonto Horumarka ay gaartay Dowladda Soomaaliya
sannadihii lasoo dhaafay.
Ugu dambeyn, Waxaa la
filayaa inay Magaalada Muqdisho soo gaaraan Madaxda Waddamada ku bahoobay IGAD, kuwaas oo Shir Saacado socon doona ku yeelanaya Muqdisho maanta oo Talaado ah.
Maxamed X. Xuseen, Hiiraan Online
[email protected]
Muqdisho, Soomaaliya