Musharraxa Madaxweyne ee Wadanka Mareykanka HILLARY CLINTON oo ka dhacday Is-taagga
Isniin, September 12, 2016 (HOL) —
Musharraxa madaxweyne ee Mareykanka, Hillary Clinton, ayaa waxa ku dhacay
burakiito, ama oofwareen. War qoraal ah oo la soo
saaray kadib markii Clinton ay dhacday xilli ay munaasabad shacab ka
qeybgaleysay ayaa arrintaasi lagu xusay.
Sawirro lagu baahiyay
internetka waxa ay muujinayaan iyadoo caawiyaheeda uu kortaagan yahay.
Jilbaheeda suun ama xarig
ayaa lagu xiray, waxaana lagu caawiyay gaarigeeda dhexdiisa.
Mrs Clinton ayaa markii
dambe lagu arkay guriga gabadheeda, waxayna weriyayaasha u sheegtay inay
"wanaagsan tahay".
Dhaqtarkeeda, Lisa Bardack
waxa ay sheegtay in Hillary Clinton ay xanuunkaasi qaaday Jimcihii.
Waxay gabadha dhaqtarka u ah
ay sheegtay in Clinton ay aad u kululaatay, jirkeedana uu biyaha ka dhammaaday
intii ay ka qeybgaleysay munaasabad lagu xusayay 15ka sano ee laga joogo
weerarkii daarihii Mareykanka lagu qaaday.
H. Clinton ayaa xilli
hore meesha munaasabadda ka baxday kaddib markii ay xanuunsatay. Musharraxa ay is hayaan ee
Jamhuuriga, Donald Trump waxa uu kol hore soo bandhigay xaaladda caafimaadkeeda
oo uu sheegay inuu liito.
Ugu dambeyn, Clark Judge,
Waa waxa uu Khudbadaha u qori jiray Ronald Reagan, waxa uu sheegayaa "inay
suuragal tahay in Clinton ay ka qeybgali wayso kullamo muhiim u ah, bilaha soo
socda".
XIGASHO: BBC SOMALI
Maxamed X. Xuseen, Hiiraan Online
[email protected]
Muqdisho, Soomaaliya